Posted by
صوابی
پکتیاوالو، همدرد د ځمکو په غصب او فساد تورن کړ !
په ملي شورا کې د پکتیا د خلکو استازې وايي ، چې ددغه ولایت د ددولتي ځکمو د عصب لړۍ په تېزي سره روانه ده دوی وايي ،سیمه ایزه اداره هڅې کوي چې پاتې پارکونه او شنې ساحې په ملي سوداګرو وپلوري .
دوی حکومت ته خبرداری ورکوي که د ځمکو د عصب او فساد مخه ونه نېول شي او دالړۍ دوام وکړي نو په پراخه لاریونو به لاس پورې کړي .
نوموړي له ولسمشر حامد کرزي او نړیوالې ټولنې غوښتنه کوي چې ددغه ولایت والي جمعه خان همدر له دندې ګوښه او څارنوالي ته يې معرفي کړي .
په ولسي جرګه کې د پکتیا د خلکو استازی ګل باد شاه مجېدي وايي په پکتیا کې د غلو شبکه حاکمه ده ، ډيری د بیارغونې
پروژې د والي شرکتونو ته ورکول کېږي ((موږ نه پوهېږو چې ولي حکومت د فساد مخه نه نېسي ، په پکتیا کې د فساد د شتون په اړه پوره سندونه او شواهد لرو که حکومت د سیمه ایزې ادارې داختلاس مخه ونه نېسي موږ به په نورو اقداماتو لاس پورې کړو. ))
مجېدي زیاتوي والي د ګردېز او زرمت د سړک په پروژه کې شریک و چې همدې امله يې کار په ټپه ودریده او د زرمت خلکو ته پکې ګڼ مالي زیانونه ورسیدل او تر دې دمه يې کار بند دی .
دوکیل مجیدی په وینا، د پکتیا والي جمعه خان همدرد ، ښاروال اغا محمد ، او د ټولګو چارو ریس عبدالله درانی په ډېری پروژو کې سره شریک دي .
د نوموړي په خبره د ښاروالۍ او ټولګټو رياست په پروژو کې يواځې څو شرکتونو ته چې له دوی سره يې ګټې نيمې دي په داوطلبۍ کې برخه ورکوي . او نور شرکتونوته حتا د داوطلبۍ پاڼې هم نه ورکوي .
د ملي شورا دا غړی دا هم وايي چې ځينې داسې پروژې هم شته چې پیسې يې اخیستل شوې پروژه شتون نلري ، هغه د بېلګې په توګه وویل، چې د لجه منګلو په ولسوالۍ کې د يو سړک په نوم څو مېلیونه افغانی د ټولګټو له ریاست څخه اېستل شوې خو له بده مرغه چې هلته دسړک جوړول خو لاڅه چې سړک هم شتون نلري .
د مجیدي په باور که د پکتیا والي جمعه خان همدرد له دندې ګوښه نه شي . نو د پکتیا ولس مجبور دی چې دده په وړاندې پاڅون وکړي .
همدارنګه په مشرانو جرګه کې د پکتیا د خلکو استازی عبدالحنان حق ویون هم د مجیدي خبرې تایدوي او وايي ، چې د پکتیا والي نه یوازې داچې ځمکې يې غصب کړې بلکې په نورو ناخوالو کې هم لاس لري.
د حق ویون په وینا ، د همدرد څخه د پکتیا ولسونه سخت ناراضا دي او له همدې امله يې له حکومت فاصله نېولې نوموړی وايي هغه د ځان لپاره غله اداره جوړه کړې او ټولې چارې د خپلو ګټو لپاره کوي .
سناتور حق ویون زیاتوي پخوا به يې تنها پروژو کې اختلاس کاوه خو له بده مرغه اوس مهال پارکونه او شنې ساحې په ډالرو پلوري .
دنوموړي په خبره تېر کال يې د مخابراتو ساحه په دوبۍ کې خرڅه کړه او هڅه يې پیل کړې ده چې دا مهال د پکتیا نور پارکونه ووېشي .
حق ویون همدرد د قومونو ترمنځ په بې اتفاقۍ هم تورنوي دده په عقیده همدرد قومونه په ډلو وېشلې او د خپلو ګټو لپاره ترې استفاده کوي .
سناتور داهم وايي چې دمګړۍ په پکتیا کې د رغونې بهیر په ټپه ولاړ دی او نړیواله ټولنه د ده د شتون له امله په پکتیا کې رغونه نه شي کولی .
نوموړی ګواښ کوي که جمعه خان همدرد له پکتیا لري نه شي هغوی به يې په وړاندې له تاوتریخوالې ډکې مظاهرې وکړي .
په ورته وخت کې د پکتیاولایتي شورا هم د ملي شورا د غړو څرګندونې تایدوي . دوی وايې موږ څو ځلې دموجودو ناخوالو په اړه والي سره خبرې کړې دي خو والي ورته تر دې دمه هېڅ ځواب نه دی ورکړی .
ددغه شورا غړی وکیل میاخېل ځاځی وايي چې په پکتیا کې مافیوي شبکه حاکمه ده . ددې کړۍ په وړاندې به خا مخا مبارزه کوو . هغه زیاتوي موږ په داسې پلان کار کو چې د پکتیا په ولایت کې د فاسدې اد ارې لمن ټوله کړو.
نوموړي له رسنیو وغوښتل چې د فساد په مخنيوي کې د پکتیا د وکيلانو سره مرسته وکړي .
د يادولو ده چې څو موده وړاندې د پکتیا والي ویلې و چې وکيلان يې په اداره پسې منفي تبلیغات کوي؛خو د پکتیا ولسونه د همدرد کړنې غندې او دده خبرې له حقیته لرې بولې .
دا په داسې حال کې دی چې وړمه ورځ ولس مشر حامد کرزي یو فرمان صادر کړچې پکې د اداري فساد،دځمکو د غصب او په ولايتونو کې د يو لړ تغيراتو مسله ياده شوې ده.
فرستادن/حفظ کردن