Posted by کابل (پژواک( : ولسمشر حامد کرزي د پاکستان له لومړي وزير سره په يوه تلېفونې اړيکه کې د ايساف لخوا د پاکستانې سرتيرو په وژلو خواشينې څرګنده کړه او له هغه يې غوښتنه وکړه، د بن په کنفرانس کې ګډون وکړي.
د روانې مياشتې په ٥مه د ايساف هوايي ځواکونو د پاکستان او افغانستان په ګډه پوله د مهمندو ايجنسۍ په سلاله سيمه کې په دوو پوستو هوايي بريد کړى وو او ٢٤پاکستانې سرتيري يې وژلي وو.
ددغه بريد په غبرګون کې د پاکستان د وزيرانو شورا نن د فوق العاده غونډى په ترڅ کې د جرمنى د بون په ښار کې د افغانستان په اړه په جوړيدونکي غونډه کې د نه ګډون پريکړه وکړه.
د ولسمشر د ويندوۍ له دفتر څخه د ليندۍ په ٨مه پژواک خبري اژانس ته په راليږل شوى خبرپاڼه کې ويل شوى ، چې دغه تلېفونې اړيکه نن مازديګر ناوخته ټېنګه شوه.
ولسمشر حامد کرزي نن د پاکستان د لومړي وزير سيد يوسف رضا ګيلاني سره په يوه تلېفونې تماس کې د ايساف لخوا د پاکستانې سرتېرو په وژلو خواشينې څرګنده کړه او زياته يې کړه چې((د د غه ډول پيښو رامنځته کيدل په سېمه کې د روانو حالاتو پاېله ده دواړو هېوادونو ته پکارده ، چې د دغه ډول ستونزو د مخنيوي په موخه په ګډه مبارزه وکړي .))
سرچينه زياته وى ، چې ددواړو هېوادونو مشرانو دخبرو په ترڅ کې د ايساف لخوا د پاکستانې پوستو د بريد او د بن کنفرانس په هراړخيزه خبري اتري وکړي.
همدا راز په دغه تلېفونې اړيکه کې ولسمشر حامد کرزي له پاکستان څخه وغوښتل چې د بن په کنفرانس کې ګډون وکړي ، ځکه چې دهغه په وينا دا د دواړو هېوادونو په ګټه ده.
د خبرپاڼې دمعلوماتو له مخې د خبرو پرمهال د پاکستان لومړي وزير سيديوسف رضا ګيلاني وويل: پاکستان تل هڅه کړى چې ددواړو هېوادونو ترمنځ راپورته شوي ستونزي په مناسب ډول سره حل کړى.