Posted by کابل: جمهور رئیس حامد کرزی، نن د پاکستان د اسلامی جمهوریت له صدراعظم میا نواز شریف سره په ټیلفون خبرې وکړې او ده ته یې د کوچني اختر مبارکي وویله.
د افغانستان جمهور رئیس د اختر په ورځو کې دکویټې او جلال آباد خونړیو پیښوته اشاره وکړه او وې ویل چې تروریستانو او د دغودواړو هېوادونو دښمنانو حتی د عید د سپیڅلو ورځو په جریان کی هم پر ملکي وګړو او حتی ښځو او ماشومانو هم زړه ونه سوځا وه او زیاتې کورنۍ یې د خپلو عزیزانو په ویر ویرجنې کړې.
حامد کرزي د پاکستان صدراعظم ته وویل چې د افغانستان او پاکستان خلک د یو مشترک دښمن سره مخامخ دي او دواړه په یو اورکې سوځیږي چې هغه د تروریزم اور دی .
د پاکستان صدراعظم د مننې تر اظهار وروسته دا تایید کړه چې افغانستان او پاکستان دواړه له یوه واحد دښمن سره مخامخ دي او دا چې د دغه دښمن ماتول او له مینځه وړل یواځې د دواړو هېوادونو د حکومتونو او ولسونو د صادقانه همکارۍ او ګدوهڅو په نتیجه کې امکان لري او بس.
دواړه مشران په دې سره سلا شول چې د دغه ګډ دښمن سره به په مشترکه توګه مبارزه کوي او په دې لاره کې به خپلې هڅې سره شریکوي.