نهرین (همایون بابر)- د بغلان ولایت د نهرین ولسوالۍ په حضرت عمر فاروق رض دینې مدرسه کې د یوې غونډي په ترڅ کې چې د زرو نه پورته د نهرین ولسوالۍ برسیره د شاوخوا سیموخلکو په کې ګډون کړې وو ۳۵ تنو د قرانکریم دحفظ  او ۹ تنو دینې عالمانو ته دعلم  د فضلیت دستارونه وتړل شو.

ددغې دینې مدرسې مشرمولوی حبیب الله د لسګونو حافظانو فراغت د نهرین ولسوالۍ اوسیدونکیوته اود هیواد په کچه یوه لویه لاسته راوړنه وبلله هغه زیاته کړه (( د نهرین په حضرت عمرفاروق رض دینې مدرسه کې نه یوازې د نهرین ولسوالۍ زده کوونکې په زده کړه بوخت دی بلکه د شمال ولایتونو برسیره د کابل اونورو ولایتونو زده کوونکې هم شته، نوموړی زیاته کړه داد خوښې ځای دی چې پخوا افغانان د دینې زده کړو لپاره ګاونډيو هیوادونو ته تلل چې ځینې وختونه  د ځینو موخوښکاریدل خو اوس د کور دننه ددی شرایط برابرشوي چې افغان بچي پخپل کورکې دینې زده کړی ترسره کړی.))

همدغه راز نوموړی ويي ویل یاده مدرسه چې یوه برخه ېې د معارف ریاست پوري تړلې پاتې نورې برخې يي  د کلیوالو په چاندو اوصدقو چلیږي، دولت دینې مدرسو ته د نورو تعلیمې برخوپه څیر پاملرنه نه کوي، د نهرین خلکو غوښتنه د مرکزي دولت نه داده چې دینې مدارسو اودارالحفاظونو ته د کور دننه رشد ورکړئ اوپاملرنه ورته زیاته کړی ترڅو د هیوادوالو بچې وکولې شي په خپل هیواد کې دینې زده کړی ترسره کړي اوبل چاته محتاج نشي.

د غونډي یوبل تن بل برخوال مولوی فضل مولا چې د بغلان د خوست اوفرنګ ولسوالۍ نه راغلې و وویل، داچې د افغانستان په سلوکې ۹۹سلنه وګړي مسلمانان دی د بل هر وخت نه زیات د دین فهم ته اړتیا لیدل کیږي ځکه اسلام  دافغانستان د ټولو کشالو اوشخړو د حل یوازینې لاره ده.

 ډیری وختونه ناسم کارونه د دین څخه د نا ناسم برداشت اوفهم له کبله رامنځته کیږي چې بیا وروسته په لویه ستونزه اوړی، د هغه په وینا ځینې خلک  د دینې مدرسو په هلکه ناسم برداشت لری خوقضیه هیڅکله داسې نده، دینې مدرسو ته افغانان ضرورت لري له دینې مدرسو نه باید ملاتړ وشي.

۱۷کلن قاری عبدالله چې د فاریاب ولایت اوسیدونکې اود بغلان په نهرین کې ېې د دووکلنو په موده کې قرانکریم حفظ کړی وايي، په مدرسه کې ښونکیو ورسره ډیر زیار ویستلې د نهرین اوسیدونکې د خدای د دین سره مینه لری دوی کې هیڅ قومې تبعیض اوتعصب  نشته ، هغه د خپلو خبرو په یوه برخه کې  وویل (( زه له افغان دولت نه غواړم چې دینې مدرسو ته پوره پاملرنه وکړي ترڅو ځوان نسل په هره برخه کې د نړیوالو سره د سیالۍ جوګه شي.))

ددغې دینې مدرسې د مشر په خبره یاده مدرسه کابود ۱۴ کلنو راهیسې فعالیت لری چې هرکال په بیلابیلوبرخو کې ورځنې لسګونه ځوانان ټولنې ته دخدمت لپاره فارغیږي، نهرین چې د مرکزی بغلان شمال لورته شاوخوا ۴۰ کلیومټرۍ کې پرته ولسوالۍ ده د اوسیدونکیو په وینا تراوسه پوري په کې د بیارغونې کارونه بیخې په نش حساب دی، اوسیدونکې وايي د ۱۲ کلنو په تیریدو سره ایله دریم لاس قیر سړک د بیارغونې د نمونې په توګه یادولې شي.

  د زلمې په نوم یوتن اوسیدونکې ویلې دولت نهرین ته هیڅ پاملرنه نده کړی، داپه داسې حال کې ده چې په ملې پوځ کې ددغې ولسوالۍ ډیر ځوانان خدمت  کوي د هغه په خبره داسې اونۍ نشته چې د ملې پوځ په لیکوکې د دوی ځوانان نه قرباني کیږي، ځوانان مجبوردی ځکه دلته ډیری ځوانان بې روزګاره دي، خو دولت نهرین ته پاملرنه نه کوي.