Posted by غزنی ښار:- د رارسیدلو خبرونو پراساس، د غزني ولایت په اندړو ولسوالۍ کې د سیمه ییزو پولیسو پر یوې پوستې وسله والو طالبانو برید کړی دی.
د غزني د ولایتي شورا مرستیال عبدالجامع جامع په دې هکله داسې وایی: برید د اندړو ولسوالۍ حبیب ګوډلې پر پوستې شوی، چې سیمه ییز پولیس په کې مېشت وو.
نوموړی وايي، په دې برید کې لږترلږه اتلس سیمه ییز پولیس وژل شوي دي.
دی وايي، دغو سیمه ییزو پولیسو مخکې د طالبانو ضد پاڅون کې هم ونډه اخیستې وه.
د جامع په وینا، تر دې مهاله مالومه نه ده چې دغه پولیس څرنګه وژل شوي، خو له دغې پوستې یوازې درې کسان په تېښته بریالي شوي.
طالبانو ادعا کړې ده، چې په دغه برید کې یې نولس کسان وژلي، پنځه یې ټپیان کړي، د دوی رینجر ګاډي او وسلې یې له ځانه سره وړي دي.
امنیتي چارواکي په دې اړه له څه ویلو ډډه کړې ده.
فرستادن/حفظ کردن