Posted by 
کندهار ښار( عزت الله عزت ):- د يوې خوا د روژې مبارکه مياشت او د خوراکي توکو د بيو لوړيدل او د بلي خوا د بې روزګارو کسانو زياتيدل دا دواړه هغه څانګړي او لويي ستونزي دي چي ډيرى خلک يې په خپل ورځني ژوند کي د بيلا بيلو ننګونو سره لاس او ګريوان کړي دي .
هره ورځ په سلګونه د بې ورزوګاره کسانو جوپي تر سترګو کيږي چي په ورځو ورځو د کار په لټه د غرمي وسره ټک ته د شين اسمان لاندي په دي اميد ناست وي چي اوس به کوم څوک راسي او ورڅخه به د کارکولو غوښتنه وکړي .
ښاغلى جيلاني په کندهار کي د افغاني کاريګرو د خبرو سره همږغى دئ چي وايي په کندهار ښار او اطرافي سيموکي د غير راجستر سويو او په غير قانوني توګه د داخل سويو پاکستانيو کاريګرو شمير زيات سوى نوموړى وايي دوى درې مياشتي وړاندي د ولايت مقام په لار ښوونه يوه کميسيون ته دنده ورکول سوه تر څو هغه خارجي اتباع چي دلته يي اړتيا ډيره ليدل کيږي او انډول يي نسته او د کار کولو قانوني ويزه او پاسپورټ په لاس کي ولري ثبت او راجستر کړي چي دا لړۍ د دوو مياشتو لپاره وغزيده او يوازي ١٠١٨ تنه دا ډول کسان راجستر سول مګر اوس ليدل کيږي چي په زرګونه پاکستانيان په ښار کي په کارونو بوخت دي او امنيتي مسئولين يي مخه نه نيسي.
د کارپوهانو په وينا په هيواد کي د بې روزګارو کسانو د شمير د زياتيدو لامل د ګاونډيو هيوادونو څخه د مسافرو هيواد والو ستنيدل او په غير قانوني توګه د بيلا بيلو شرکتونو او افرادو د لوري د بهرنيو هيوادونو د کاريګرو راوستل دي چي د كار د نشتوالي له امله په هيواد كي د رواني ناروغۍ لمنه، پراخيږي، ځكه چي بيكاري د فقر عامل دئ او فقر په خپله په يوه ټولنه كي بيماري ده.
په افغانستان كې كه له يوې خوا جنګونه او سياسي كړاوونه د دغه هيواد خلك يې ځورولي دي، له بلي خوا بي وزلي او بي روزګاري د دغو خلكو اوسني بدبختي ده چې په ټول هيواد كې يي مشکلات خلق کړي دي .