د امریکا د متحد ایالاتو د دفاع وزیر رابرت ګیټس د واشنګتن پر اسیایي ملګرو غږ وکړ چې له افغانستان سره دې مرستې زیاتې کړي. نوموړي همدا راز د امریکا له استرالیایي ملاتړیو مننه وکړه.

رابرت ګیټس څرګنده کړه چې زموږ اسیایي متحدین باید د افغانستان په پوځي ډګر کې مرسته وکړي اوپه بیا رغاونه کې خپل کومکونه ډیر کړي.

رابرټ ګیټس په سینګاپور کې وویل، د افغانستان مساله پیچلې ده، یو ډول غیر عادي ده، نو هغه وخت دا ستونزه هواریدای شي چې موږ ټول په ګډه کار وکړو او یوه بل ته لاسونه سره ورکړو.

د امریکا د متحد ایالاتو د دفاع وزیر زیاته کړه ، ټول هیوادونه باید په دې مسالې کې خپله برخه وکړي ځکه چې دا د نړیوالې ټولنې غوښتنه ده او د ټولو هیوادونو په ملې ګټه ده چې د افغانستان مسالې ته پام وکړي .د افغانستان مساله پیچلې ده، یو ډول غیر عادي ده، نو هغه وخت دا ستونزه هواریدای شي چې موږ ټول په ګډه کار وکړو

د امریکا د دفاع وزیر رابرټ ګیټس له استرالیا، جاپان ، هند نیوزیلند او سنګاپور څخه مننه وکړه چې په افغانستان کې یې د افراطي وسلوالو پر ضد، په مختلفو ډولونو د امریکا په مشرۍ د روانو هڅو ملاتړ کړی دی .

رابرټ ګیټس زیاته کړه چې موږ باید هڅه وکړو څو حالات په افغاسنتان کې عادي شي .

د امریکا د دفاع وزیر د افغانستان د بنیادي تاسیساتو د بیا رغاونې لپاره د بشري قویې او مرستې هیله وکړه، ده د افغان پوځیانو د روزنې لپاره يې د مرستې غږ وکړ او څرګنده یې کړه چې د حکومتي چارو د سمون لپاره کمکونو ته اړتیا شته.

رابرټ ګیټس همداراز د افغانستان د ولسمشرۍ او ولایتي شوراګانو د راروانو انتخاباتو په اړه وویل چې موږ د ازادو، بیطرفو او د اعتماد وړ انتخاباتو ملاتړ کوو.

@