Posted by میدان ښار:- د رارسیدلو خبرونو پر اساس، په ميدان وردګو ولايت کې (۷) تنو مخالفينو ته مرګ ژوبله اوښتې ده او همدا رنګه د مخالفينو د انداخت له امله (۶) تنه ملکي وګړي ټپيان شوي دي
- دمیدان وردګو ولایت دنرخ په ولسوالۍ کې د دایساف په هوايي عملیاتو کې (۳) تنه وسلوالو مخالفین وژل شوي او (۴) نور یې ټپیا ن شوي دي
د نرخ ولسوال محمد حنیف حنفي په ویناء چې دنرخ ولسوالۍ دکریمدادو په سیمه کې پرون یوه بجه مهال دایساف ځواکونو په پلې ګزمه باندې وسلوالو مخالفینو برید وکړ چې سمدستي ایساف ځواکونو چورلکو یاد مخالفین په نښه او په دغه برید کې (۳) تنه وسلوال مخالفین هریو شریف الله، کمال او ننګیالی پکې وژل شوي او (۴) نور هریو حفیظ الله، وحیدالله،سیدکریم او فاروق پکې ټپيان شوي او همدارنګه یوتن ملکي کس نویدنامې ۱۸ کلن هلک هم د انداخت پرمهال ټپي شوی دی.
همدارنګه په دغو عملیاتو کې (۵) تنه نور شکمن کسان هم نیول شوي دي او په دغو عملیاتو کې ایساف ځواکونو ته کوم تلفات ندي اوښتي
دیوبل خبر له مخې : دجغتو ولسوال راز محمد وزیري په ویناء چې پرون ۱ بجه د جغتو په ولسوالۍ باندې د دولت وسلوالو مخالفینو دهوان بریدونه کړي چې له دمخالفینو دهوان مرمۍ په بازار لګیدلی ده چې پکې (۶) تنه ملکي کسان هم ټپيان شوي دي چې دټپیان روغتیايي وضعیت یو څه داندیښنې وړ دی.