Posted by میدان ښار( شاهد الله شاهد):- دمیدان وردګو ولایت د سیداباد ولسوالۍ دتنګي دجماد خیلو په سیمه کې بیګاه شپه ۲ بجې دګډو ځواکونو په عملیاتو کې د وسلوالو مشهور قوماندان سیف الرحمن د خپلو دوه ملګرو سره د خپلو وسلو او مهماتو سره ونیول شو.
سیف الرحمن چې دوسلوالومخالفینو لخوا د سیداباد ولسوالۍ دتنګي او شیخ اباد سیمو لپاره نظامي مسول ټاکل شوې وو چې بیګاه پرې عملیات ترسره شو او دخپلو ملګرو سره په یو کور کې ونیول شو چې نوموړې نیول شوې کسان ایساف ځواکونوله ځان سره بیولي دي.
نوموړی تیرکال هم په نوموړو سیمو کې په یو زیات شمېر وسلوالو بریدونو کې لاس در لود او نوموړې په همدغه سیمو کې یو زیات شمېر ملکي وکړي د دحکومت سره دهمکارۍ په تور هم په شهادت رسولي وو.
همدارنګه دګډو ځواکونو لخوا بیګاه ناوخته دجغتو ولسوالۍ دسربند په سیمه کې وسلوالو سره په یوه نښته کې یوتن وسلوال عبیدالله دسلطان عزیز زوی وژلې او دهغه څخه یې کلاشینکوف او مهمات ترلاسه کړي دي.
دیو بل خبر له مخې افغان او نړیوالو ځواکونو دنرخ ولسوالۍ د زمان خیلو او شاکابل په سیمه کې ۴ حلقې ماینونه، ۱۵ دهوان مرمۍ، یو بوجۍ چاودیدونکي مواد او د ماین ايښودلو مواد هم ترلاسه کړې دي.