Posted by کندهار ښار:- د رارسیدلو خبرونو پر اساس د كندهار د پنجوايي ولسوالۍ ولسوال او د كندهار قومي مشر او مخور شخصيت سيدفضل الدين چي نن مازيګر د پنجوايي ولسوالۍ څخه د خپل كور په لوري روان وو د اوومي امنتي حوزې اړوند د كوبي په سيمه كې د يوه ځانمرګي بريد ښكار او په شهادت ورسيد .
خبر زیاتوی چې په دې پېښه كې د سيدفضل الدين اغا دوه زامن او دوه ساتونكي هم وژل شوي او نهه ساتونكي او يو ملكي كس ټپيان دي .
د كندهار امنيه قومان جنرال عبدالرازق رسنيو ته د ټیليفون پر ليكه د پيښي د منلو ترڅنگ ويلي چي د دي چاودني له امله پنځه تنه شهيدان سوي او لس تنه نور پوليس او ملكي وكړي زخميان سوي دي .
سيد فضل الدين آغا د ولسوال تر څنگ روحاني شخصيت، قومي مشر او د سولي د ولايتي شورا فعال غړي وو چي د سولي په روان بهير كښي يې كړندي هڅي كړي وي او د وسلوالو مخالفينو څو ډلي د ده په هڅو سره دسولي دپروسي سره هم يو ځاي سوي دي.
پاته دي نه وي چي په تيرو لسو ورځو كښي د كندهار ښار دچوڼۍ سردار مدد خان څلور لاري امنيه قومانۍ كښي دننه چاودنه او ننۍ چاودني دلويو چاودنو څخه شميرل كيږي په يادو چاوديونو كښي زيات تلفات ملكي وكړو ته رسيدلي دي .
خو بلخوا دكندهار امنيتي چارواكي د دي ولايت اوسيدونكو ته ډاډ وركوي چي خپلي هڅي يې نوري هم گړندي كړي او په ښار كښي يې د دښمن لخوا د نور بريدونو د شنډولو په هڅه كښي دي.
