Posted by اسدالله زړه سواند
کندهار ښار:- بريد جنرال غلام دستګير مايار چي تر دې مخكي دكندهار محبس مدير وو او د مديريت پر مهال يې دمحبس څخه څلورسوه اته اتيا تنه سياسي بنديان د يوه تونل د لاري وتښتېدل د وطن سره د خيانت په موخه علني ابتدائيه محكمي ته دخپل پرسونل د يوشمېر غړو سره راوستل سو.
علني ابتدائيه محکمه د ښاري محكمي د رئيس قاضي محمد ګل وقار په رهبري ددې محكمي داعضاو ،ولايتي شورا د استازي او عامو خلګو په مخ كي ترسره سوه
دقران كريم تر تلاوت وروسته دښاري محكمې رئيس قاضي محمد ګل وقار د منشي څخه دصورت دعوي د لوستلو غوښتنه وكړه او دمنشي لخوا هم دصورت دعوې تر لوستلو وروسته قاضي څارنوال څخه د دلائيلو غوښتنه وكړه او تر هغه وروسته د تورونوو كسانو ته وخت وركړل سو چي دخپلي دفاع لپاره خپله دفاع كوي ،وكيل نسي او كه خاموشي نيسي.
چي د كندهار محبس د پخواني مدير بريدجنرال غلام دستګير لخوا وكيل جلسې ته معرفي سوو.
په دې جلسه كي څارنوال بريد جنرال غلام دستګير مايار د كندهار محبس پخواني مدير ډګروال شاولي خان صنعتي امرسمونوال بصير احمد د زده كړي او تربيي امر دوطن سره د خيانت په موخه د اعدام يا دوام لرونكي بند او ضبط دشتمني غوښتنه كول او همدارنګه يې امر فضل رحيم امنتي مرستيال زيارخان دكشف امر سمونوال محمد كاظيم دكدر او پرسونل امر لالاجان د دلګي قوماندان، محمد اعظيم دښځينه دفتر امر ، وليد حق دنوكريوالي امر ،ساتنمن عين الدين دتخنيك معتميد، سمونمل سيدعبدالشاه دتخنيك امر محمد عيسي ، عبدالحي او محمد ساتونكي په دنده كي دغفلت په موخه د بيلابيلو كلونو د بند غوښتنه كول.
په جلسه كي يوازي دريو تنو له ځان د دفاع په موخه خبري وكړې ولي د وخت د كمښت په خاطر د قاضي لخوا پرېكړه وسوه چي تر دې وړاندي يې يوه جلسه كړې او دايې دوهمه جلسه ده نو د ښو څېړونو او موضوع د لا روښانتيا په خاطر محاكمي جلسه دريمې جلسې ته وځنډول سوه.
او په دريمه جلسه كي به ياد كسان له ځان څخه دفاع كوي چي وروسته به د شواهدو او بياناتو په اورېدو لو سره قاضي ديادو كسانو د برخليك پرېكړه كوي.
پاته دي نه وي چي د روان كار د ثور په مياشت كي دكندهار محبس سياسي او جنايي بلاګ ته يو تونل كيندل سوي وو چي له لاري يې څلورسوه اته اتيا بنديان وتښتېدل.