Posted by پيښور:- مولانا سميع الحق وايي چې په افغانستان کې دسولې په تامينولو کې همکاري کوي .
داسوشيتد پرس خبري اژانس د خبر پر اساس، دجمعيت علماى اسلامي مشر مولانا سميع الحق چې دطالبانو دپلار په نامه هم شهرت لري او تراوسه پوري تر خپلې اداري لاندې مدرسو طالبانو ته لارښوونه کوي چې په افغانستان کې وجنګيږي دغه اژانس ته ويلي دي چمتو دى په افغانستان کې دسولې په تامينولو کې مرسته وکړي . دده له خولې دوينې تويول دحل لاره نه ده بايد دامريکايي ځواکونو وتلو ته لاره پيدا شي .
خو دهمدي خبري اژانس دخبر له مخې مولانا سميع الحق په دې وروستيو وختو کې تر خپلې اداري لاندې دپنځه سوه تنو طالبانو دفراغت په مراسمو کې هغوى ته وويل چې په افغانستان کې جهاد ته چمتو شي . دامريکا متحده ايالاتو په دې وروستيو وختو کې داى اس اى په نامه دپاکستان دجاسوسي له سازمان څخه غوښتي دي چې په افغانستان کې دسولې په تامينولو کې همکاري وکړي .
که څه هم پخوا دغه سازمان دحقاني دشبکي ښه همکار بلل کيده . دپاکستان صدراعظم رضا ګيلاني پرون رسنيو ته وويل هيواد يې دامريکا نږدي ټولو غوښتنو ته مثبت ځواب ويلي دي .