امان الله عمر

هغه کومی غوښتنې چې د ایران او پاکستان له لورې په دی وروستو کې په افغانستان کې د امریکی متحده ایالتونو د پوځی اډو جوړیدو په هکله،  ددی هیواونو د مشرانو او استخباراتی کړیو له لوری بیان شوې وې ، دادې اوس د یوې ډلې لخوا چې ځانونه ته افغانان وایی مګر په حقیقت کی د افغانانو دښمنان دی،  د ایران او پاکستان د غوښتنې په مطابق خپل غږ د یوې ډلې په اعلان سره په ډاګه کړی ، چی ددې جبهې اصلی شتون او اعلان د امریکا د نظامی اډو سره مخالفت دی، د جبهې ۱۲ کسیزی شورا چی د یوې بدنامه څیره یی ویاند دی یانی وحید مژده ، چی د هغه په هکله ویل کیږی چی ډبل اجنیټ دی یانی هم د  د پاکستان او هم د ایران په چوپړ کې قرار لری. نوموړی  د شورویانو پر وړاندې د ازادی بخښوونکی جګړی پر مهال په پاکستان کی قرار درلود،  او د ای اس ای په چوپړ کی  د هغه افغانانو چی د پاکستان د سیاستونو سره مخالف ول د وحیده مژده لخوا  ای اس ای ته ورپیژندل کیدل.

دادی اوس چی د پاکستان او ایران سیاست د امریکی پر وړاندې سره نژدی شوی او دا هیوادونه په شریکه د افغانانو په ضد واحد هدف پلی کوی، او د همدی اهداف د پلی کولو په خاطر دادې د دواړو هیواونو د استخباراتی هلو ځلو په نتیجه کی نوموړی جبهه رامنځته شوه ، چی د ایران او پاکستان د استخباراتو لخوا دیکته کیږی، دوی په خپله لومړی ناسته کی  داسی ادعا کوی چی لس کاله کیږی چی افغانان وژل کیږی ،او کرنه او مالداری او باغونه د بهرنیو ځواکونو له امله ګواکی ویجاړ او سوځول کیږی،  اوس پوښتنه دادی چی لس کاله نه بلکی دا دیرش کاله کیږی چی د افغانستان د وجود څخه وینه څڅیږی او په دی موده کی روسانو، ایرانیانو او پاکستانیانو هر یو په خپل وار ددې هیواد په ړنګیدو کی خپله برخه لری  او د افغانانو په وژولو دوی  صرفه نه دی کړی ، ځکه دا جګړه اوس نه دی پیل شوی چی دوی یی یادونه کوی ، بله دا چی که ددی ښاغلو څخه پوښتنه وشی ،چی ښوونځی څوک سوځوی؟ په ننګرهار کی یو مجاهد ولسوال ویلی وو، چی د پاکستان د استخباراتو له لوری د مکتبونو سوځول سازماندهی کیږی، او د هر مکتب په سر پنځه لکه کلدری ورکول کیږی.

اوس که د دوی څخه پوښتنه وشی چی دا پاکستان او ایران دی چی مکتبونه سوځوی که بل څوک؟  قومی مشران او خپلواک قوماندانان  وژل کیږی ایا دا د  امریکا کار دی ؟ که د ایران او پاکستان؟ د سواد او تعلیم پر ضد دا طالبان او د ګلبیدین ډله دی چی قیام یی کړی که بل څوک ؟او دا ډلی د ایران او پاکستان په چوپړ کی افغانستان یی کنډر کنډر کړل او لیګا دی دا وطن وارنوی، مګر د نوموړی جبهی په لومړنی اعلان کی ددی جنایتو څخه هیڅ ډول یادونه نه دی شوی، په هر صورت د جبهې موقتی شورا په ډیره سپین سترګی په لومړنی ناسته کی یادونه کړی چی لسو کلونو له تیریدو سره افغانستان وضعیت او حالت خراب شوی او د پرمختګ څخه وروسته پاتی شوی.  په ریښتا د خندا وړ دی هغه کوم پرمختګونه چی د تعلیم او سواد په هکله شوی دوی یی ځکه نه وینی چی د تعلیم سره جوړ نه دی،  همداسی په نورو برخو کی هغوی پرمختګونه نشی لیدلی اوس پوښتنه دادی چی طالبانو د پنځه کلونو په دوران کی هغه څه چی د خلق ، پرچم او  اسلامی تنیظمونو څخه په امن پاتی ول ، د طالبانو له لوری ړنګ کړی شو، دا ناپیژندل شوی کسان چیری ول؟ نو دوی د هغه توری دوری یادونه نه کوی ، ځکه بادار یی نه غواړی ! د دیرشو کلونو په موده کی افغان اولس په تورتم کی ډوب وو مګر دوی  خبر نه دی،  دا چی دوی د دینی علماووی فتوا څخه یادونه کوی اوس سوال دادی چی یو شمیر دینی علما  د دوی په شان د شورویانو یرغل ته قانونی صبغه ورکړی وه ، او دادی بیا داسی ورته فتوا د پاکستان او ایران له لوری او د هغوی پر مصارفو صادریږی ، چی اسلامی صبغه نه لری ، دا ځکه د افغانستان په هر ګوټ کی د انتحاری حملو په نتیجه کی بی ګناه افغانان وژل کیږی او دا لړی دوام لری مګر نوموړی علما دا ځوانمرګی حملی نه ګوروی ، ولی دوی ددی حملو پر وړاندی فتوا نه صادروی؟ نو  د دوی اوسنی فتوا د ملی ګټی سره سمون نه لری او فتوا  یی اسلامی نه دی ځکه  د هیواد په ګټه نه دی .

دوی د پاکستان او ایران له لوری  استعمال شوی دی او په دی کی شته داسی کسان چی ښه خلک دی او د پردی تر شا په معاملو خبر نه دی.  بله دا چی دوی د مصالحی څخه خبری کوی اوس پوښتنه دادی چی دا مصالحی د یوسف رضا ګیلانی او یا د خامنه ای سره باید وشی که د بل چا سره؟ په هر صورت نوموړی جبهه د خپل کار په لومړیتوب کی د بهرنیو ځواکونو وتل په هیواد کی د ملی پخلاینی کوښښ او د بهرنیو پوځی اډو د جوړیدو د مخینوی د پاره  هدف ټاکلی دی . دا هغه غوښتنی دی چی د پاکستان او ایران له لوری تکراریږی او دادی اوس د هغوی افغانی نوکرانو له لوری تکراریږی.  لنډه دا چی داسی اشخاص او افراد چی په ټولنه کی مطرح کسان نه دی او د افغانستان خلک دوی نه پیژنی نو دوی د خلکو د ارمانونو څخه استازیتوب نشی کولی، او ټول په دی پوهیږی چی دوی د ایران او پاکستان په چوپړ کی قرار لری . په اخر کی ایران او پاکستان باید په دی پوه شی چی افغانان خپلواک خلک دی او د دوی غلامی نشی منلی ،همداسی افغانان په خپل کار ښه پوهیږی چی د چا سره دوستی وکړی او د چا سره نه،  دا اوس افغانان د امریکی شتون ته د یوی ستری اړتیا په سترګه ګوروی او لیری نه دی چی  د ټولو افغانان  په خوښه د بن د جلسی نه مخکی د امریکی د متحده ایالتونو او  افغانستان تر منځ  استراتیژیکه تړون به لاسلیک شی

په درنښت