Posted by کابل:- د کورنیو چارو وزارت د یوې خبر پاڼې پر اساس، تیره ورځ د ملي پولیسو منسوبینو د کندهار ولایت د پنجوايی ولسوالۍ په ریګوال سیمې کې یوه اندازه چاودیدنکې توکې چې د افغانستان د سولی اوثبات د دښمنانو له لوری د ورانکارو کړنو دترسره کولو په موخه ځاي پر ځاي کړی وو کشف او شنډ کړل.
خبرپاڼه زیاتوی چې په یاو چاودیدونکو توکو کې ۳ بوشکې ۲۰ کیلویی چاودیدونکې توکې، ۹ کړۍ د وسایطو ضد ماینونه، ۸ قبضی لاسی بمونه، ۶۰ ډزه د پیکا مرمۍ، ۳۰۰ ډزه د کلاشینکوف مرمۍ، ۱۵۰۰ متره د برق لین او یو عدد د ماین ریموټ شامل دې.
همدا شان تیره شپه شاوخوا لس بجې د فاریاب ولایت په غورماچ ولسوالۍ کې دوه تنه ماین ایښودونکی چې غوښتل یی یو ماین د یادی ولسوالۍ په قلعه عاشورزئ سرک کې ځاې پر ځاې کړي چې همدغه ماین پری وچاودید او په پایله کې دواړه ماین ایښودونکې هلاک شول.
په همدغه ډول تیره ورځ د هیواد د ملي پولیسو، ملي اردو او د ایتلافی ځواکونو د ګډو چاڼیزوعملیاتو په پایله کې چې د غزنی ولایت د زنه خان ولسوالۍ په اړونده سیمې کی ترسره شول، ۴ ډزه د راکټ انداز مرمۍ او یو میل تفنګچه د یادو ځواکونو لاسته ولویدل.
همدارنګه د هیواد ملې پولیسو په تیرو ۲۴ ساعتونو کې ۱۴ کړۍ د وسایطو ضد ماینونه او ۴ بوشکې ۲۰ کیلویی چاودیدونکې توکې چې دهیواد دسولې او ثبات ددښمنانو له لوري دورانکارو کړنو د تر سره کولو په موخه دکند هار ولایت په اړوندو سیمو کې ځاي پر ځاي شوي وو تر لاسه کړل.