اسدالله زړه سواند:كندهار

دغه پلاوى د سه شنبې په ورځ دې ولايت ته راغلى و اود چهارشنبې په ورځ يې ددې ولايت له سلگونوقومي مشرانواومخوروسره د يوې غونډې په ترڅ كې وليدل اود ټولوقومونوله استازوڅخه يې وغوښتل چې د سولې په برخه كې له عالي شورا سره همكاري وكړي.

په دغه غونډه كې د سولې د عالي شوراغړي اوددې شورا دعامه پوهاوي اوتبليغاتوريس قاضي محمد امين وقاد د خپلې وينا پرمهال په هلمند كې رامنځ ته شوي پرمختگونه د هيواد په كچه بې ساري وبلل اوزياته يې كړه د پام وړنورپرمختگونه به هم د سولې د ټينگښت په پايله كې رامنځ ته كيږي.

وقاد وايي

په ډزباندې مسايل حل نه شول راځى د سولې لاره خپله كړوپه دې خبره هم انسان كافر كيږي هم مسلمان كيږي په دې ژبه باندې هم سوله راځي هم جگړه خودا كارزموږلپاره نه تاسې لپاره يې لازم نه بولوچې د اسلام غږ د خلكوپه وينووليكل شي.

نوموړي وويل چې هلمند د هيواد په كچه پراخه كرهڼيزولايت اوپريمانه  اوبه لري خوهغه وخت له دې څخه پوره گټه پورته كولى شوچې په هيواد كې سوله ټينگه كړو.

په همدې حال كې په مشرانوجرگه كې دهلمند د خلكواستازى اود سولې د عالي شوراغړى ملاشيرمحمد آخند زاده ډاډ څرگندوي اووايي چې د سولې پروسه به په دې ولايت كې ترډيره بريالى وي اوپه زياته كچه د دولت مخالفين به له دولت سره يوځاى شي.

شيرمحمد وايي

زه ورته اميد واريم خصوصا ورته په هلمند كې اميد واريم ځكه چې د ټولوقومونوخلك راغلي دي اودا يوه ښه هڅه ده اوزه ورته اميد واره يم چې الله پاك به موږته په دې برخه كې توفيق راكړي.

نوموړي وويل چې د هلمند اوسيدونكي د جگړې پلوي نه دي اوټول سوله غواړي خويوازې يوه حركت ته اړتيا ليدل كيږي چې په دې برخه كې پيل شي.

د يادونې وړده چې د سولې د عالي شورا نوموړي پلاوي د سه شنبې په ورځ په كندهاركې له گڼوقومي مشرانوسره هم په اړوندوموضوعاتوخبرې كړې وې.