Posted by ح. شمشاد
په تركيه كې نامتو سياسيمتدار او پخواني لومړي وزير نجم الدين اربكان نن په پلازمينه انقره كې د ۸۵ كلونو په عمر سره د ورپيښې شوې ناورغۍ له امله ددې فانې نړۍ نه سترګې پټې كړې.
د يادولو وړ ده اربكان د روان كال د جنوري په ۲۱ نيټه د شريان د التهاب له امله په روغتون كې بستر شوى وو.
د روغتون لخوا په شوو څرګندونو كې وويل شول چې ارواښاد نجم الدين اربكان نن د تركيې په ځايي وخت د غرمې مښكې په ۱۱ بجو او ۴۰ دقيقو خپل ژوند د لاسه وركړ.
ارواښاد نجم الدين اربكان په ۱۹۲۶ كال كې د تركيې د سينوب په ولايت كې نړۍ ته سترګې پرانيستې وې.
اربكان په ۱۹۶۹ كال كې د هيواد د قونيې د ولايت نه په خپلواكه توګه د هيواد پارلمان ته لار پيدا كړه. همداشان په ۱۹۷۰ كلونو كې اربكان د خپلو نږدې دوستانو سره په ګډه توګه د ملي نظام په نامه يو ګوند جوړ كړ.
د ويلو ده چې د اربكان ګوند په ۱۹۷۱ كال كې په هيواد كې د يو شمير ستونزو له امله وتړل شوو.
اربكان په ۱۹۷۱ كال كې د ملي سلامت په نامه يو بل ګوند تاسيس كړ.
همداشان په اوراښاد اربكان په ۱۹۸۰ كلونو كې په تركيه كې په سياست بنديز ولګول شوو او تر ۱۹۸۷ كاله پورې د سياست نه لري پاتي شو.
ارواښاد نجم الدين اربكان په ۱۹۸۷ كال كې د رفاح د ګوند د مشر په توګه وټاكل شو او د ۱۹۹۵ كال په ټولټاكنو كې د رفاح ګوند ډير لوي برياليتوب ترلاسه كړ.
اوراښاد اربكان د ۱۹۹۵ كال د ټولټاكنو نه وروسته د تركيې د ۵۴ لومړي وزير په توګه وټاكل شو.
همداشان په تركيه كې د فبروري د ۲۸ نيټې په بهير كې يو ځل بيا د رفاح ګوند وټړل شو او په ارواښاد اربكان د پنځو كلونو لپاره يو ځل بيا په سياست بنديز ولګول شو.
ارواښاد نجم الدين اربكان وروسته د سعادت په نامه د ګوند بڼسټ كيښود.
اربكان د سعادت ګوند په وروستۍ عالي سرمشريزه كې د ګوند د مشر په توګه وټاكل شو.
د نجم الدين اربكان جنازه به د مارچ په لومړۍ نيټه د سه شنبې په ورځ د استانبول د فاتح په جومات كې د غرمې نه وروسته د جنازې د لمانځه نه وروسته په استانبول كې خاورو ته وسپارل شي. روح دى ښاد وي.