Posted by عبد الله افغان
خیانت لمیټډ په خیانتستان کې د خاینینو د تولید یوازینۍ شرکت.
خیانت لمیټډ د خارجی او داخلی متخصیصینو په درلودلو سره ستاسو په خدمت کې دی، اوس تاسو دخاینینو د لټون لپاره ضرورت نلری چې بهرنیو هیوادونو ته لاړ شی ستاسو هرډول فرمایشی خاینان همدلته تولیدیږی.
که تاسو نپوهیږی چې څنګه رشوت اوخورئ، که تاسو نپوهیږی چې څنګه څوکۍ ترلاسه کړئ، که تاسی نپوهیږی چې څنګه چاپلوسی وکړئ، که تاسو نپوهیږی چې څنګه جاسوسی وکړئ اوداسی نور مشکلات نو موږ ستاسو له غوښتنو سره سم په خپل نوې ماډل کې ستاسی ټولۍ غوښتنې په نظرکې نیولی دی.
لکه څنګه چې تاسو خبریاست نن سبا د رشوت او خیانت پرضد کلکې هلې ځلې روانی دی او کله هم خاین ددې هلوځلو ښکار کیدلی شی نو موږ ددې مشکل دله مخنیوی لپاره حفاظتی سیستم چې د( واسطه په لوړه کچه) په نوم یادیږی له خپل هرخاین سره وصل کړې دې.
او که هرډول خطر د کوم دولتی ارګان له خوا خاین ته متوچه وی نو داحفاظتی سیستم یې دمخنیوی توان لری.
که تاسو یو ځل زموږ تولید شوی خاینان استعمال کړی نو نور خاینان به مو له یاده واوځي،زموږ تولید شوی خاینان په نړیواله سطحه منل شوی دی او زموږ شرکت دا ویاړ لری چې په نړیوالو سیالیو کې یې دوهم مقام ترلاسه کړی دی( سرټیفیکیټ موجوددی.
زموږ د نوې وړاندیز پر اساس تاسو د هرخاین په پیرودلو سره یوه میلمستیا د سیرینا په هوټل کې ترلاسه کولی شی.
نو بیړه وکړئ ځکه دا وړاندیز دلنډې مودې لپاره دی.
پاملرنه!
د هر خاین ترشا دیوه لوړپوړې چارواکی سیریل نمبر موجود دی که تاسو شک لری چې دا خاین واقعا خاین دی او که نه نو په لاندی شمیره هغه سیریل نمبرموږته په یوه لیکلی پیغام کې واستوی(۰۱۳۸۹-۴۲۰-۴۲۰-۴۲۰) څو شیبې وروسته به تاسو د خاین دتصدیق اویا نه تصدیق په اړه ځوابی پیغام ترلاسه کړی.
له خیانت لمیټډ سره اړیکې ستاسو روښانه برخلیک ټاکې
آدرس: خیانتستان،خیانت آباد، دخیانت څلورلارې ته څیرمه خیانت لمیټډ
د اړیکو شمیرې:
۰۲۰۰۱-۴۲۰-۴۲۰-۴۲۰
۰۲۰۱۰-۴۲۰-۴۲۰-۴۲۰