Posted by کابل:-د امريکا د متحده آيالاتو سفير کارل ايکن بيري وايي چې د دولت د وسله والو مخالفينو د لمنځه وړلو له پاره د شپې له عملياتو پرته بله لار نه لري.
نوموړي دغه څرګندونې تېره ورځ پکتيا ته د خپل سفر پر مهال په ولايت کې يوې غونډې ته وکړې.
په دې غونډه کې د ولايتي چارواکو او ولايتي شورا د غړو په ګډون ګڼ شمېر د پکتيا قو مي مشرانو هم برخه اخيستې وه.
په غونډه کې د پکتيا د ولايتي شورا رييس محمد لايق منګل وويل چې لا هم په دې و لايت کې د امريکايي ځواکونو له خوا د شپې عمليات کېږي چې په وينا يې بايد ودرول شي.
خو د امريکا سفير کارل ايکن بېري د خلکو د دې غوښتنې په ځواب کې وويل((موږ د تر هګرو د ختمولو له پاره د شپې له عملياتو پرته بله لار نه لرو،موږ مجبور يو چې د شپې عمليات وکړو.))
دا په داسې حال کې ده چې د پکتيا په ګډون نېږدې د هيواد په ټولو ولايتونو کې ولسي خلکو له افغان دولت او نړيوالې ټولنې څخه په وار وار غوښتي چې د بهرنيو ځواکونو خپل سري او د شپې عمليات ودروي. .