Posted by نیویارک:- تازه راپورونه وایی چی د ملګروملتوسرمنشي بانکي مون پرون وروسته له دې چې په افغانستان کې د دې نړیوالې ټولنې د دوو چارواکو ترمنځ د اختلاف موضوع په رسنیو کې څرګنده شوه ،د یوناما مرستیال له کاره ګوښه کړ.
د ملګرو ملتوویندوی مایکل مونتاس وایی چې بانکي مون پرېکړه کړې چې له افغانستان څخه پیټرګالبریت راوغواړي او په دې هیواد کې د ملګروملتو د دفتریوناما د خاص استازي د مرستیال په توګه د هغه د مرستیالۍ دنده پای ته ورسوي .
تردې مخکې ویل شوي وو چې څرګنده نه ده چې ایا ښاغلی ګالبریت له کاره ګوښه شوی او که تبدیل شوی دی خو د ښاغلي بانکي مون د ویاند اعلامیه وښودله چې ښاغلی ګالبریت له خپل رييس سره د انتخاباتو پر سر د اختلاف له امله یومخ برطرفه شوی دی .
تردې مخکې په کابل کې د ملګروملتو مقاماتو ویلي وو چې ښاغلی ګالبریت به بېرته کابل ته ستون نه شي .راپورونه وايي چې نوموړي ټینګارکاوه چې د ملګروملتو ترڅارنې لاندې د انتخاباتي شکایتونوکمیسون باید زیاتې رایې رد او مشکوکې وګڼې څود دوهم پړاو انتخاباتو اړتیا پیدا شي .
د ګالبریت او کای ایدې ترمنځ د اختلاف مسئله روانه میاشت هغه مهال څرګنده شوه چې ګالبریت د اعتراض په توګه له کابل څخه نیویارک ته لاړ.
د هغه ګوښه کېدا په افغانستان کې د امریکا حیثیت ته یوګوزار او د ولسمشرکرزي لپاره یوبری ګڼل کېږي ځکه چې کرزی د ګالبریت په شمول د امریکا د متحدو ایالتونو د چارواکوله لوري ترفشار لاندې دی چې د اداري فساد مخه ونیسي .