كابل (ويسا): امريكا په دې وروستو كې پريكړه كړې چې له پاكستان سره به په ملياردونو ډالره مرسته كوي، د پاكستان د رسنيو په تائيد دغه مرسته په وزيرستان او بلوچستان كې د القاعده اوافغان طالب مشرانو د ځپلو  د پوځي اقداماتو په بدل كې پاكستان ته منل شوې ده.

امريكايي چارواكو څو ورځې وړاندې هم ويلي وو چې د پاكستان استخباراتي ځواكونه د افغان طالبانو دمشرانو د ځپلو سره جوړ نه دي. تر اوسه پورې په كوټه كې د طالبانو شورا شتون يې ښه ثبوت دى. خو اوس داسې ښكاري چې د پاكستان ولسمشر منلې چې په وزيرستان او بلوچستان كې به دالقاعده او افغان طالب مشرانو پر مركزونو له امريكايي ځواكونو سره ګډ بريدونه كوي.

همدغسې سنډې ټايمز له لندن نه خپريدونكې ورځپاڼې په دې اړه ليكلي چې د پاكستان پوځي استخبارات (آى اس آى) غواړي پخوا تردې چې د طالبانو پر مشرانو هوايي بريدونه وشي او يا د كوماندويي ځواكونو تر يرغل لاندې راشي هغوى له كوتې نه كراچۍ ته وليږدوي، خو امريكا بيا پردې فكر كوي چې پخوا تردې چې هغوى كوم بل لور ته ولږدول شي بايد د كوماندويانو لخوا بريد پرې وكړي او له منځه يې يوسي.

بل لور ته له وزيرستان څڅه دجګړې د احتمال له ويرې په سلګونو كدې وتلې دي چې يو شمير يې په بنو كې ښار ته نه دي پريښودل شوې او پرون يې د احتجاجي لاريونونو خبرونه خپاره شول.