شړنه:- تیره ورځ نږدې شپږ بجې ماښام د پکتيکا ولايت کټواز سيمې د جانيخېلو ولسوالۍ په بازار کې د ملامنان او حميد په نوم هټيوالو هټيو ته څېرمه يوه تن چې په ځان پورې يې چاودېدونکي توکي تړلي وو، ځان ته چاودنه ورکړه چې له امله يې يو ملکي وګړی شهيد او د يوه ماشوم په ګډون اته تنه نور ملکي کسان ټپيان شول، د ياد ځانمرګي بريد له امله يو هټيوال چې د ملامنان زوی وو په شهادت رسېدلی او نور اته تنه ټپيان د درملنې په موخه د مرکز ښرنې روغتون ته لېږدل شوي دي، د ښرنې روغتون ډاکترانو د ټپيانو روغتيايي حالت ښه بللی دی، په سيمه کې د چاودنې له امله دوه دوکانونه هم زيانمن شوي دي.

د پکتيکا والي محب الله صميم د يادې پېښه له امله سخت خواشينی شوی دی، ښاغلي صميم د وسلوالو مخالفينو لخوا په عامه ځايونو کې ماين اېښودنې او په ملکي وګړو دا ډول ظالمانه ځانمرګي بريدونه چې له امله يې ملکي وګړو ته مرګ ژوبله اوړي په سختو ټکو وغندل او زياته يې کړه (( د دولت وسلوالو مخالفينو په دې ځانمرګي بريد سره وښوده چې دوی په ملکي افغانانو هم هيڅ ډول ترحم او زړه سوای نه لري، د دولت وسلوال مخالفنيو خپلو شومو اهدافو ته د رسېدو په مقصد يو ځل بيا زمونږ يو تن بې ګناه هټيوال شهيد او د يوه ماشوم په ګډون يې اته تنه بې ګناهپکتيکاوال ټپيان کړل او له امله يې اته کورنۍ د غم په ټغر کېښنولې))

ښاغليصمیم زياته کړه (( افغانان به خپله حوصله ونه بايلي او پرې به نږدې تر څو ددېخاورې دښمنان خپلو موخو ته ورسيږي