Posted by کابل:- د افغانستان د مدني ټولنو فډرېشن یو لوړ پوړی څارونکی هيئت د هيواد د دولتي او نادولتي ادارو د چارو او د هيواد د ټولنيز او پرمختیايي بهیر د څارنې لړۍ پيلوي.
د مدني ټولنو له یو شمير مشرانو او د چارو کارپوهانو دغه ترکیب شوی هيئت، درسنیو د استازیو په ملتیا راتلونکې اونۍ له هلمند ولایته خپل کار پيلوي، چې دهلمند ولایت مقام او مدني ټولنې به يې کوربه وي.
فډرېشن هوډمن دی چې د ولس، مدني ټولنې د نهادونو او دولتي ادارو په همغږۍ د ولسد ارادو د رښتيني تمثيل لپاره د یوې استازې ادارې په توګه هڅه وکړي چې د هيوادد دولتي او نادولتي ادارو د چارو د کتنې او ارزونې له لارې هيواد او ولس ته دښو او ښایسته خدماتو په منظور ګډو همکاریو او فعالیتونو ته وده ورکړي او هيواداو هيوادوال د ښایسته سالارۍ، ښې حکومتدارۍ، متوازن انکشاف، قانون حاکمیت، اویو سوکاله، باثباته او له امنه ډک افغانستان پر لور رهبريشي.
دا چې هلمند د هيواد د ډېرو نورو ولایاتو په پرتله ډېر جګړه ځپلی او له لازموپراختيايي او پرمختیايي چارو لا هم بې برخې پاتې دی، او هم به د روان زېږديزکال په بهير کې انګرېزي ځواکونه له هلمند څخه وځي او ټولې امنیتی چارې به hفغان لوري ته سپارل کيږي، نو ځکه خو د افغانستان د مدني ټولنو فډرېشن (FACS)مشرتابه پرېکړه وکړه چې د مدني ټولنو، سياسي او ټولنيزو چارو د کارپوهانو اورسنیو د یو ګډ هيئت له لوري د کتنې او ارزونې دغه لړۍ له هلمنده پيل او د چارواو حالاتو له کتنې او ارزونې وروسته د شرايطو او امکاناتو په صورت کې د روانوفعالیتونو تر څنګ د هلمند او هلمندیانو د لا ډېرو او ښو خدماتو، پرمختګ اوسوکاله راتلونکي لپاره د ملي او نړېوالو مدني نهادونو د ګډو همکاریو شرايط چمتو کړي، څو وکړای شو د سولې او امن، پرمختیا، علمي، فرهنګي، اقتصادي،ټولنيزو، ټيکنالوژیکي او نورو برخو کې په ګډه د یو روښانه، سرلوړي او سوکاله راتلونکي پر لور ګړندي او ځواکمن ګامونه پورته کړو.
د افغانستان د مدني ټولنو فډرېشن (FACS) د مدني ټولنو د نهادونو ( نادولتيموسساتو، شوراګانو او تولنيزو او فرهنګي سازمانونو) سراسري اتحاد دی. فډرېشن د هيواد د روان کړکيچ، اداري فساد، جنګ جګړې او ورور وژنې د مخنيوي او په هيواد کې د سراسري امن او سولې د ټینګښت لپاره د با ثباته، شفاف او د خلکو د ارادو د رښتيني ممثل نظام، ټولنيز عدالت او قانون حاکمیت د ټینګښت، ښېحکومتدارۍ، د هيواد د ملي ارزښتونو او ارضي تمامیت، بشري حقوقو د دفاع اوتأمین او د هيواد د متوازن انکشاف او پرمختګ په لړ کې، د پراخې متحدې مدنيمبارزې لپاره د یو ممثل نهاد په توګه جوړ شوی دی.