Posted by کندهار:-افغان چارواکي وايي چې د نن سهار په ځانمرګي بريد کې درې ولسي وګړي وژل شوی او نهه تنه نور ټپيان شوی دي .
بريد د کندهار ښار سوېل ختيځ ته د هوايي ډګر پر سړک شوی دی .
خبر زیاتوی چې دغه پېښه نن سهار په ١٠:١٥ بجو د پوليسو روزنيز مرکز ته څېرمه رامنځته شوه .
راپور وایی چې په دې چاودنه کې درې ملکي وګړي وژل شوي او نهه نور ټپيان دي .
ټپيان په هوايي ډګر کې د بهرنيو ځواکونو نظامي روغتون ته وړل شوي، خو د ټپيانو د روغتيايي حالت په اړه کوم راپور نه دی ورکول شوي.
وسلوالو طالبانو ددې ځانمرګي بريد مسووليت په غاړه اخيستى دى.
د والي وياند زلمی ايوبي وايي يوه ځانمرګي بريد خپل سراچه ډوله موټر هوايي ډګر ته څېرمه د بهرنيو ځواکونو کاروان ته نژدې والوزاوه خو هغوی ته يې زيان و نه رساوه.
طالبانو تر اوسه پورې د بريد په اړه څه نه دي ويلي .
دغه بريد داسې مهال کېږي چې بهرنيو ځواکونو له تېرې جمعې راهيسې په کندهار ولايت کې د طالبانو پر ضد د ښامار د ګزار په نوم عمليات پيل کړي دي .
ددغو عملياتو ډېر پام ژېړۍ ولسوالۍ تته دی چې له پيله راهيسې څو تنه وسلوال طالبان وژل شوي دي .
بهرني ځواکونه وايي د طالبانو مشران ډېر وخت له دغه ځايه د بريدونو پلانونه جوړوي او پر لويو لارو بريدونه کوي.